Фэйсбүүкийн 5 хувиас татгалзсан эр

Марк Цукербергийн коллежийн дотуур байрны найз болох Жоё Грин нь Цукербергд фэйсбүүк хэмээх компаниа эхлүүлэхэд нь туслахаас татгалзсан азгүй нөхөр юм.

Харвардад цуг сурч байхдаа "Facemash" нэртэй "Hot-or-Not" буюу оюутны хотхоны эмэгтэй оюутнуудыг хэн нь халуухан, хэн нь царай муутайгаар нь харьцуулсан вэб хуудас хийн, сургуулийнхаа сервер дээр байршуулж, хэдхэн цагийн дотор тэр том сургуулийн серверийг унтрах хүртэл нь ачааллуулж байсан хэргийн эзэн, хамтран зүтгэгчээ Жоё аавынхаа ятгалгаар орхижээ. Мэдээж аавууд дандаа зөв зөвлөгөө өгөөд байдаггүй.

Марк Цукербергийн үгэнд орж, өөрийн дуртай зүйлээ хийсэн бол тэрбээр фэйсбүүкийн 5 хувь буюу 3 тэрбум долларын хөрөнгөтөн байх байжээ.