Г.Ариунбаатар П.И.Чайковскийн нэрэмжит уралдааны эцсийн шатанд үлдлээ
Г.Ариунбаатар П.И.Чайковскийн нэрэмжит уралдааны эцсийн шатанд үлдлээ.
Мэдээллийн алба
П.И.Чайковскийн нэрэмжит олон улсын хөгжмийн уралдаанд манай дуурийн дуучдын төлөөлөл болсон таван дуучин оролцож байна.
Уралдааны сүүлийн шатанд МУГЖ Г.Ариунбаатар тунаж үлдлээ. Урлагийн олимп гэгддэг уг уралдаанд 39 орны 500 гаруй авьяастан оролцсоноос дөрвөн шатны шалгаруулалтаар шилдэгт одоогийн байдлаар Монгол, Орос, Хятад, Солонгосын дөрвөн эрэгтэй, дөрвөн эмэгтэй дуучин үлдээд байгаа юм. Маргааш шөнө манай цагаар 1:00 цагт явагдах сүүлийн шалгаруулалтад Г.Ариунбаатар "Трубадур" дуурийн Ди лунагийн ари, "Пиковая дама" дуурийн Елецскийн арийг дуулахаар зэхэж байна.
П.И.Чайковскийн нэрэмжит олон улсын хөгжмийн уралдааны гала тоглолтоос шилдгийн шилдэг гурван оролцогчийг тодруулах юм.
