Г.Эрхэмбаяр “Алтан-Очир” одонгоор шагнууллаа

МҮОХ-ны ерөнхийлөгч, доктор Д.Загдсүрэн өнөөдөр Онцгой байдлын ерөнхий газрын дарга, үндэсний бөхийн улсын аварга Г.Эрхэмбаярыг олимпийн “Алтан-Очир” одонгоор шагналаа.

Г.Эрхэмбаяр нь 1989 оноос чөлөөт бөхөөр хичээллэж, 2011 оны улсын наадамд 1024 бөхөөс ес даван үзүүрлэж арслан, 2013 онд есөн даван түрүүлж, аварга цол хүртсэн билээ.

Түүнчлэн жию-жицү барилдааны тив, дэлхийн хошой аварга цолтой.

ОБЕГ-ын “Аврагч” спорт хороо нь чөлөөт бөх, жүдо, байт харваа, хүндийг өргөлт, сагсан бөмбөг, волейбол, буудлага, тэшүүр, шагайн харваа, үндэсний бөхийн төрлөөр 30 шахам тамирчныг дэмжиж ажилладаг билээ.