Г.Хиддинкийг урьдчилсан шатны тоглолтууд тогтоох уу

Голландын шигшээ баг "Евро 2016"-гийн урьдчилсан шатанд гурван тоглолт хийж, хоёрт нь хожигдоод байгаа. Энэ шалтгаанаар тус багийн дасгалжуулагч эдүгээ 67 настай мэргэжилтэн Гүүс Хиддинкийг халах, солих асуудал яригдаад эхэлсэн.

Тэгвэл байдал түр намжиж багийн удирдлагууд арваннэгдүгээр сард болох Мексиктэй хийх нөхөрсөг, Латвитай хийх "Евро 2016"-гийн урьдчилсан шатны тоглолтуудын дүнгээс хамаарч шийдвэр гаргахаар болсон байна. Харин "Түүнийг яг өнөөдөр хална" гэсэн мэдээг Нидерландын хааны дэргэдэх хөлбөмбөгийн зөвлөл үгүйсгэлээ.