Гандболын улсын аваргууд тодорлоо

Монголын оюутны аварга шалгаруулах спортын тэмцээний нэг төрөл болох Гандболын аваргууд өнгөрөгч амралтын өдрүүдэд тодорчээ. Энэ жилийн тэмцээнд МУБИС, ШУТИС, МУИС, ХААИС, ЭМШУИС зэрэг улсын болоод хувийн их, дээд сургуулийн есөн эмэгтэй баг, эрэгтэй 12 баг өрсөлдсөн юм. Эмэгтэй багаас С.Нямдорж дасгалжуулагчтай Д.Тэргэл ахлагчтай МУБИС-ийн баг тамирчид тэргүүн байр хүртсэн бол эрэгтэйчүүдээс мөн МУБИС-ийн Б.Насандэлгэр ахлагчтай баг тамирчид алтан медаль хүртсэн байна.