Гарет Бэйл 2-3 долоо хоног талбайд гарахгүй

Испанийн Ла лигийн 32 дугаар тойргийн хүрээнд явагдсан "Реал Мадрид" болон "Малага" багуудын тоглолтын үеэр бэртэл авсан Уэльс жигүүрийн довтлогч Гарет Бэйл 2-3 долоо хоног талбайд гарах боломжгүй боллоо. Тэрбээр тоглолтын тав дахь минутад зүүн хөлийн өвдөгнөөс өсгий хүртэлх урт булчингийн бэртэл авсан байна.

Ингэснээр Бэйл "Атлетико Мадрид"-тай хийх Аваргуудын лигийн шөвгийн дөрвийн төлөөх хариу тоглолтод оролцох боломжгүй болохоос гадна хэрэв "Реал" дараагийн шатанд шалгарвал хагас шигшээ хоёр тоглолтыг ч өнжиж магадгүй болоод байна. Аваргуудын лигийн хагас шигшээн эхний тоглолтууд ирэх сарын 5, 6-нд явагдах бол хариу тоглолтууд долоо хоногийн дараа буюу 12, 13-ны өдрүүдэд болох юм.