Газарзүйн багш нарын III чуулга уулзалт багийн олимпиад зохион байгуулагдаж байна

Газарзүйн багш нарын III чуулга уулзалт багийн олимпиад зохион байгуулагдаж байна. Тус уулзалт хэлэлцүүлэгт 21 аймаг 9 дүүргийн 300 гаруй багш оролцож байна.

Үйл ажиллагааны хүрээнд шинэ сургалтын арга зүй, технологийн талаар мэдлэг солилцох, сурган хүмүүжүүлэх үйл ажиллагааны шилдэг туршлагаа хуваалцах юм байна. Мөн газарзүйн шинжлэх ухааны хөгжил дэвшлийн сургалтаар газарзүйн мэргэжилтнүүдийн хоорондын харилцаа холбоог бэхжүүлэх, хамтын ажиллагааны боломжийг бий болгох аж.

Багш нарын мэргэжлийн ёс зүй, статусыг дээшлүүлэх, нийгэмд газарзүйн боловсролын ач холбогдлыг таниулах 3 дахь удаагийн чуулга уулзалт нь газарзүйн боловсролын чанар, үр нөлөөг дээшлүүлэх хамтын ажиллагааг бэхжүүлэх, залуу багш нарын манлайллыг дэмжих, газарзүйн боловсролыг олон нийтэд таниулах сургалтын хөтөлбөрийн шинэчлэл ба шийдэл боломжийн талаар хэлэлцэнэ.