Германы лигийн шөвгийн наймын багууд тодроод байна

Германы лигийн цомын шөвгийн наймын төлөөх тоглолтын эхний тулаанууд өнгөрсөн шөнө боллоо. Энэ шатанд Германы “Боруссия Дортмунд” клуб, “Динамо Дрезден” клубын талбайд зочилж, 2:0-ээр буулгаж авснаар шөвгийн наймд үлдлээ.
Тоглолтын 50 болон 90 дэх минутад Иммобиле хоёр гоол оруулж, багтаа ялалт авчирсан юм.

Мөн энэ тойрогт “Фрайбург” клуб талбай дээрээ “Кельн” клубыг хүлээж авч, 2:1-ээр буулгаж авснаар шөвгийн наймд үлдлээ. Түүнээс гадна “Байер Леверкуезен” клуб талбай дээрээ “Кайзерслаутерн” клубыг 2:0-ээр хожсон бол “Хоффенхайм” доод лигийн “Аален” клубын талбайд зочилж, 2:0-ээр хожжээ. Ийнхүү шөвгийн наймын эхний дөрвөн баг тодорлоо.