Гүйлтийн тамирчин Б.Мөнхзаяа ДАШТ-д хурд хүчээ сорино
энэ онд Катарт болох дэлхийн аварга шалгаруулах тэмцээнд оролцохоор болжээ.
Мэдээллийн алба
Үндэсний шигшээ баг, Зэвсэгт хүчний 327 дугаар ангийн тамирчин, ОУХМ Б.Мөнхзаяа Хонконг хотноо болсон олон улсын марафон гүйлтийн тэмцээнд хоёр цаг 35 минут 44 секунд барианд орж, VI байрт шалгарснаар 2020 оны Токиогийн олимпод оролцох эрх авсан. Тэрбээр мөн энэ онд Катарт болох дэлхийн аварга шалгаруулах тэмцээнд оролцохоор болжээ.
Дашрамд дуулгахад, Б.Мөнхзаяа 17 настайгаасаа марафон гүйлтийн спортоор хичээллэн, ес дэх жилдээ уралдаан тэмцээнд оролцож байгаа бөгөөд таван зай (3, 5, 10, 21, 42 км)-д Монгол Улсын дээд амжилтыг эзэмшдэг. Тэрбээр 2017 онд Тайванийн марафонд түрүүлж алтан медаль хүртсэнээр Монголын анхны, Ази тивийн хоёр дахь тамирчин болсон юм.
