Гурвалжингийн гүүрний явган хүний замыг засварлан шинэчилж байна

Баянгол дүүргийн 29-р хороо, Гурвалжингийн гүүрний 2 талын явган хүний замыг дүүргийн хөрөнгө оруулалтаар засварлан шинэчлэх ажил үргэлжилж байна.

Засвар шинэчлэлийн ажлын хүрээнд одоогоор авто замын баруун талын 850м урттай явган хүний замыг 2м өргөнтэй болгон асфалтаар хучиж байгаа бөгөөд дууссаны дараа тэмдэг тэмдэглэгээ хийнэ.

Харин нөгөө талын 850м урттай явган хүний замыг өмнө нь замын голоор суурилуулсан байсан 40 ширхэг гэрлийн шонг шилжүүлж дууссаны дараа өргөтгөн засварлах юм байна.