“Ice Top” хамтлаг МҮОНТ-ийн хөгжмийн нэвтрүүлэгт оролцлоо

Тун удахгүй хамтлагийнхаа 18 жилийн ойгоор сүүлчийн тоглолтоо хийх гэж байгаа “Ice Top” хамтлагийнхан өнөөдөр МҮОНТ-ийн хөгжмийн “Number-1” нэвтрүүлэгт уригдан оролцлоо.

Тэд хамтлагийнхаа үүсэл хөгжил, алдаа оноо, уран бүтээл, нөхөрлөлийнхөө тухай маш сонирхолтой ярилцага өглөө. Тус хамтлагийн гишүүдтэй МҮОНТ-ийн хөгжмийн хөтлөгч Г.Мөнхбаяр ярилцсан юм.

Нэвтрүүлэг энэ сарын 26-ны 20:00 цагт МҮОНТ-ээр гарна. Харин “Ice Top” хамтлагийн "Best of Ice top" нэртэй тоглолт ирэх сарын 1-нд Ub Palace-д болох юм байна.

Уг тоглолтод нь урилгаар дуучин Ч.Одонцэцэг, Ц.Хулан, Б.Баярцэцэг, Б.Маралжингоо, Ч.Цэлмүүн, BX, реппер Дөлгөөн болон “Гурван охин”, “Дижитал” зэрэг хамтлагийнхан оролцох ажээ.

Гэрэл зургийг С.БАТГҮР