“Их хурд-6” уралдаан энэ сарын 20-нд болно

Баян наадмын үйл ажиллагаа зарим аймагт дуусаагүй байна. Үүний нэг нь энэ сарын 20-нд Шигшмэл хурдан морьдыг шалгаруулах “Их хурд-6” уралдаан Өвөрхангай аймгийн Хархорин суманд болох аж.

Энэ удаагийн уралдаанд 2011-2013 оны аймгийн наадмын айргийн тав, мөн оны улсын наадам, бүсийн уралдааны эхний 9-д давхисан азарга, их насны морьд уралдах юм байна. Энэ жилийн уралдаанаас эхлээд түрүүлсэн болон айрагдсан морьдын уяачдын хишиг болгож дэмжлэг туслалцаа шаардлагатай зургаан айлд өргөө цагаан гэр өгөх болжээ.