Иран сансарт муур илгээнэ

Сансарт сармагчин илгээснээс хойш долоон сарын дараа Иран улс дахин нэг амьтныг явуулах болсон тухайгаа мэдээллээ. Ираны сансарт илгээх дараагийн амьтан нь перс муур байх болно хэмээн албаныхан мэдэгдсэн байна.

Сансрын хөтөлбөрийн ахлах Мохаммед Эбрахимийн мэдээлснээр муурыг ирэх гуравдугаар сарын 21-нд хөөргөхөөр төлөвлөжээ. Мөн хулгана, туулай илгээх талаар хэлэлцэж байгаа аж.
Иран улс 2018 он гэхэд сансарт нисэгч илгээх зорилго тавьсны хүрээнд ийм туршилтуудыг хийж байгаа юм.