Үндсэн агуулга руу шилжих
МҮОНРТ
ШУУРХАЙ“Зэвсэг-2026” нэгдсэн арга хэмжээ улсын хэмжээнд зохион байгуулагдаж байна
1/4
Нийгэм

Ирэх 10 хоногт цаг агаар ямар байх вэ

ЦУ
Цаг Уур Орчны Шинжилгээний Газар

Мэдээллийн алба

Уншихад 1 минут
Ирэх 10 хоногт цаг агаар ямар байх вэ
Ирэх 10 хоногт цаг агаар ямар байх вэ. Зураг: МҮОНРТ

2026 оны 11 дүгээр сарын 20-30-ныг хүртэлх цаг агаарын урьдчилсан төлөв

Арваннэгдүгээр сарын 22, 23-нд ихэнх нутгаар хүйтэн хэвээр байна.

Хур тунадас:Арваннэгдүгээр сарын 20-нд Хэнтийн уулархаг нутаг, Хэрлэн, Онон, Улз голын хөндийгөөр, 21-нд Хөвсгөлийн уулархаг нутгаар, 22-нд төвийн аймгуудын нутгийн зүүн хойд хэсгээр, 23-нд Хэнтийн уулархаг нутаг болон Халх голын хөндийгөөр, 24-нд Монгол-Алтайн уулархаг нутгаар, 25, 26-нд Алтай, Хангай, Хөвсгөл, Хэнтийн уулархаг нутгаар цас орж, цасан шуурга шуурна.

Салхи:Ихэнх хугацаанд ихэнх нутгаар секундэд 5-10 метр, 22, 23-нд говь, тал, хээрийн нутгаар секундэд 13-15 метр хүрч ширүүснэ.

Агаарын температур:Дархадын хотгор, Завхан, Заг, Байдраг голын эхээр 30-35 хэм, Алтай, Хангай, Хөвсгөл, Хэнтийн уулархаг нутаг, Идэр, Тэс, Туул, Тэрэлж голын хөндийгөөр 23-28 хэм, говийн бүс нутгийн өмнөд хэсгээр 4-9 хэм, говийн бүс нутгийн хойд хэсгээр 10-15 хэм, бусад нутгаар 16-21 хэм хүйтэн, өдөртөө Дархадын хотгор, Алтай, Хангай, Хөвсгөл, Хэнтийн уулархаг нутаг, Завхан, Заг, Байдраг, Идэр, Тэс голын хөндийгөөр 15-20 хэм, говийн бүс нутгийн өмнөд хэсгээр 0-5 хэм, бусад нутгаар 8-13 хэм хүйтэн байна. Арваннэгдүгээр сарын 24, 25-нд өдөртөө ихэнх нутгаар хүйтний эрч бага зэрэг суларна.

Улаанбаатар хот орчмын 10 хоногийн цаг агаарын урьдчилсан төлөв

Хур тунадас:Арваннэгдүгээр сарын 22, 26-нд цас орж, явган шуурга шуурна.

Салхи:Ихэнх хугацаанд зүүн хойноос секундэд 5-10 метр. 22, 26-нд баруун өмнөөс хойш эргэж секундэд 8-13 метр хүрч ширүүснэ.

Агаарын температур:Шөнөдөө Яармаг-Сонгины орчмоор 23-28 хэм, бусад хэсгээр 17-22 хэм, өдөртөө 7-12 хэм хүйтэн байна. Арваннэгдүгээр сарын 24, 25-нд өдөртөө хүйтний эрч бага зэрэг суларч шөнөдөө Яармаг-Сонгины орчмоор 17-22 хэм, бусад хэсгээр 10-15 хэм, өдөртөө 2-7 хэм хүйтэн байна.

Хуваалцах