Жеймс Бондын машиныг худалджээ

Тагнуулч Жеймс Бондын цуврал кинонд гардаг сонин содон эд зүйлсийг дуудлагаар худалдаалдаг юм. Эдгээр цувралын “The Spy Who Loved Me” кинонд гардаг спортын “Lotus Esprit” маркийн автомашиныг Лондон хотноо дуудлагаар үнэ хүргэж байна. RM Auctions дуудлага худалдааны газарт завь болдог энэ өвөрмөц машиныг даваа гарагт худалджээ. Канад улсын Perry Submarines үйлдвэрт 1977 онд “Lotus Esprit” машинд завины тоног төхөөрөмж суурилуулжээ. Дэлхийд ганцхан энэ өвөрмөц машин 550 мянган фунт стерлинг буюу 857 мянган ам.долларын үнэ хүрсэн байна.