Жүдо бөхийн УАШТ эхэллээ

2015 оны жүдо бөхийн насанд хүрэгчдийн улсын аварга шалгаруулах тэмцээнийг Монголын жүдо бөхийн холбооны ерөнхийлөгч Х.Баттулга нээснээр Буянт-Ухаа спорт ордонд эхэллээ.

Тэмцээнд 21 байгууллагын 296 жүдоч хүч үзэж байна. Өнөөдөр эрэгтэйчүүдийн 60 кг, 66 кг, 73 кг эмэгтэйчүүдийн 48 кг, 52 кг, 57 кг, 63 кг-ын жингийн улсын аваргууд тодорно. Тэмцээний салхийг хагалж 60 кг-ын барилдаан болох Д.Амартүвшин, Б.Амартүвшин, Г.Хэрлэн, Наньжины хүүхдийн олимпод оролцсон Ц.Цогтбаатар, залуучуудын дэлхийн аваргын хүрэл медальт Г.Баттулга нарын залуу жүдочид өрсөлдөж байна.

66 кг-д Д.Төмөрхүлэг, Д.Алтансүх, 73 кг-д С.Ням-Очир, С.Мияарагчаа, Х.Цагаанбаатар, Г.Одбаяр нарын шилдгүүд зодоглоно. Дэлхийн аварга Г.Болдбаатар, Б.Хишигбаяр нарын жүдочид энэ удаагийн улсын аваргыг өнжиж байна.