Каори Ичо босго өндөртэй шагналын эзэн болно

Японы Засгийн газар чөлөөт бөхийн эмэгтэйчүүдийн алдарт бөх Каори Ичог Ард түмний гавьяаны одонгоор шагнахаар болжээ. Энэ талаар “Japantimes” сонин мэдээлсэн байна. Каори Ичо нь 32 настай бөгөөд олимпийн дөрөв, дэлхийн 10 удаагийн аварга билээ.

Дээрх шагналыг тус улс 1977 оноос олгож эхэлснээс хойш өдгөө 22 хүн, нэг баг хүртсэн юм байна. Босго өндөртэй энэхүү шагналыг бөхчүүдээс 2012 онд Саори Ёшида хүртэж байжээ.