“Х ТҮЦ”-ийнхэн эрэлд гарчээ

Хошин урлагийн “Х ТҮЦ” хамтлагийн ахлагч МУГЖ Л.Баттулга буюу Аглуу нэгэн ярилцлагадаа “Бид эрэлд гарсан. Сайн зохиолыг үнэ хайрлахгүй авна. Томоохон хэмжээний, чанартай бүтээл хийхэд хамгийн чухал нь зохиол байдаг. Бид мэргэжлийн хүмүүс учраас өмнөхөөсөө илүү чанартай бүтээл туурвихын тулд маш их эрэл хайгуул хийдэг” гэжээ. “Х ТҮЦ” хамтлагийнхан “Сэрүүн хасын нууц”, “Аянгын бороо” жүжгүүд шигээ алдарших тайз дэлгэцийн сонгодог бүтээл хайж байгаа юм байна. “Ирэх оны дөрөвдүгээр сард жүжиг тавих төлөвлөгөөтэй байгаа” гэлээ.