Хакүхо М.Даваажаргал Япон Улсын иргэн болох хүсэлтээ албан ёсоор баталгаажуулжээ
Сонирхуулахад, тэрбээр Японы иргэншлийг сонгосон сүмо бөхийн гурав дахь их аварга болж байна.
Мэдээллийн алба
Мэргэжлийн сүмо бөхийн их аварга Хакүхо М.Даваажаргал өнөөдөр Япон Улсын иргэн болох хүсэлтээ албан ёсоор өгч, баталгаажуулууллаа.
Тэрбээр өнгөрсөн зургадугаар сард Монгол Улсын иргэншлээс татгалзах хүсэлтээ Монгол Улсын Ерөнхийлөгч Х.Баттулгад өгсөн билээ.
Учир нь сүмо бөхийн карьераа үргэлжлүүлж, зодог тайлсан ч өөрийн гэсэн дэвжээгээ байгуулж, шавь нараа бэлтгэхийн тулд заавал наран улсын иргэн байх ёстой гэсэн үндэслэлийн дагуу дээрх шийдвэрийг гаргасан юм.
Ингэснээр их аварга сүмо бөхийн ертөнцөд өөрийн дэвжээтэй болж, шавь нараа бэлтгэх нь саадгүй болов.
Сонирхуулахад, тэрбээр Японы иргэншлийг сонгосон сүмо бөхийн гурав дахь их аварга болж байна.
Өмнө нь АНУ-аас гаралтай хоёр их аварга Японы иргэншилтэй болж байжээ. Харин Монгол Улсаас сэкивакэ Кёкүтэнхо Н.Цэвэгням, Асасэкирюү Б.Дашням нар тус улсын иргэншил авсан юм.
