Ханхүү Уильямын дэмждэг бөх нь Харумафүжи Д.Бямбадорж

Их Британийн угсаа залгамжлах ханхүү Уильям Японд албан ёсны айлчлал хийж байна. Тэрээр Токио дахь Их Британийн Элчин сайдын яаманд болсон уулзалтын үеэр өөрийн дэмждэг сүмоч болох ёкозүна Харумафүжи Д.Бямбадоржтой уулзан ярилцсан байна.

Уулзалтын үеэр ханхүү дараа заавал ирж башё үзнэ гэж амласан байна. Харин Харумафүжи Д.Бямбадорж ханхүүгийн өндөр нуруу, биеэ сайхан авч яваа байдал, харилцааны соёлыг ихэд бахдаж буйгаа илэрхийлсэн аж.