“Хантайшир” дэвжээний бэсрэг наадамд Б.Соронзонболд түрүүлэв

Говь-Алтай аймгийн “Хантайшир” бөхийн гал “Мандал” амралтын газар бэлтгэл сургуулилтаа базааж буй билээ. Улс, аймгийн цолтой 50 гаруй бөхтэй тэд өнгөрсөн амралтын өдөр бэсрэг наадмаа зохион байгууллаа.

Улсын заан Б.Соронзонболд түрүүлж, улсын гарьд Н.Ганбаатар үзүүрлэсэн бол улсын гарьд Ж.Бат-Эрдэнэ, улсын начин Ду.Батбаяр нар их шөвөгт үлдлээ.

“Хантайшир” бөхийн дэвжээнийхэн тэрхүү сайхан хангайн өвөрт 10 дахь жилдээ бэлтгэлээ хангаж байна. Ерөнхий дасгалжуулагчаар улсын начин С.Багахүү, зөвлөх дасгалжуулагчаар Д.Бадрах, туслах дасгалжуулагчаар аймгийн харцага Ч.Дагвадорж нар ажиллаж байна.

У.Баярсайхан