Хүчирхэг баритон хоолойтнууд хамтарсан тоглолт хийнэ

Монголын сонгодог урлагийн өнөө цагийн өнгө төрхийг тодорхойлж байгаа шилдэг дуучид болох ДБЭТ-ын гоцлол дуучин МУСТА А.Сайнбаяр, Ч.Энхтайван нар “LE GRANDI VOCI” нэртэй хамтарсан тоглолт хийхээр бэлтгэл ажилдаа шамдан оржээ.

Сүүлийн хэдэн жилийн турш олон улсын чанартай томоохон уралдаан, наадмуудад амжилттай оролцож, эх орныхоо нэрийг өндөрт өргөж яваа баритони залуусын тоглолт ирэх Даваа гарагт ДБЭТ-ын тайзнаа ганцхан удаа тоглоно.

Одоогоор тоглолтын тасалбар тун цөөхөн үлдсэн бөгөөд ДБЭТ-ын билетийн касснаас худалдан авах боломжтой тул сонгодог урлагт дурлагч хэн бүхэн амжиж билетээ аваарай.