“Хөх тэнгэрийн хүүхдүүд” найрал дууны хамтлагийн тоглолт болно

Дэлхийн Зөн Монгол олон улсын байгууллагын “Хүүхдийн хөгжил хамгаалал хөтөлбөр”-ийн дэргэдэх “Хөх тэнгэрийн хүүхдүүд” найрал дууны хамтлагийн 10 жилийн ойн баярын тоглолт өнөөдөр Оросын шинжлэх ухаан соёлын төвд болно.

Тус тоглолтод Хүн амын хөгжил, нийгмийн хамгааллын яамны Төрийн нарийн бичгийн дарга хатагтай Б.Отгонжаргал, Дэлхийн Зөн Монгол олон улсын байгууллагын суурин төлөөлөгч Винсент Эдвардс, Хүүхдийн төлөө Үндэсний газрын дарга И.Нарантуяа, нийслэлийн Хүүхэд гэр бүлийн хөгжлийн газрын дарга Я.Байгаль нар зочноор оролцох юм.