Хөлбөмбөгийн шинэ цэнгэлдэх хүрээлэн нээлтээ хийнэ

Монголын хөлбөмбөгийн холбоо шинэ цэнгэлдэх хүрээлэнгийнхээ нээлтийг энэ сарын 13-ны өдөр хийхээр болжээ.

Энэ ажлыг Олон улсын хөлбөмбөгийн холбооны “Goal-V” төслөөр Нидерландын "Green Field" компани, Монголын "Дэрэн наран" ХХК хийж гүйцэтгэж байна.Одоогоор зүлэг солих ажил дуусах шатандаа оржээ.

Нээлтэд зориулан Супер цомын төлөөх тоглолт болох бөгөөд 2013 оны Нийслэл лигийн аварга "Эрчим", "Боргио цом"-ын эзэн "Хангарьд" клубүүд ирэх Ням гарагт тоглох юм байна. Тус хүрээлэн 5000 үзэгчийн суудалтай.