"Хурд" монгол орноороо аялан тоглож эхэллээ

Наадмын өмнө хоёр дахь гавьяатаа өлгийдөн авсан “Хурд” хамтлаг аялан тоглолтод гарчээ. Аялан тоглолтынхоо салхийг өнөөдөр Завхан аймагт хагалах юм байна. “Цэргийн бодол”, “Би аавтай хүн”, “Чамайг зорино”, “Эх орон” зэрэг сэтгэлд хоногшсон олон бүтээлээ “Хурд”-ынхан “Hurd best of hits” нэртэй тоглолтынхоо хүрээнд нийслэлчүүддээ өргөн барьсан. Харин өнөөдрөөс эхлээд орон нутгийн фэнүүд нь “Хурд”-тай нэг үдшийг хамт өнгөрүүлж, хамтдаа дуулах болж байна.

Ах, дүү рокерууд Завхан аймгийн дараа Өвөрхангай аймгийг зорих аж.