Хурдан морины бүсийн уралдааны энэ оны хуваарийг тогтоолоо

Үндэсний их баяр наадмын тухай хууль болон Монголын морин спорт уяачдын холбооноос ирүүлсэн саналыг үндэслэн Засгийн газраас энэ оны хурдан морины бүсийн уралдааны хуваарийг тогтоолоо.

Тодруулбал, “Дүнжингарав” хаврын бүсийн уралдааныг хаврын тэргүүн сарын шинийн дөрвөнд буюу энэ сарын 22-нд Хүй долоон худагийн Цагаан хөтөлд, хангайн бүсийн хаврын уралдааныг Сэлэнгэ аймагт, говийн бүсийнхийг Дорноговь аймагт гуравдугаар сарын нэгэнд тус тус зохион байгуулахаар болжээ. Түүнчлэн Баруун бүсийн зуны уралдааныг Увс, зүүн бүсийнхийг Сүхбаатар, төвийн бүсийн уралдааныг Өвөрхангай, говийн бүсийнхийг Өмнөговь, хангайн бүсийн уралдааныг Булган аймагт 2015 оны долдугаар сарын 25-26-д, Монголын морин спорт уяачдын холбооны 20 жилийн ойн уралдааныг Говьсүмбэр аймагт наймдугаар сарын 8-9-нд зохион байгуулахаар болсон байна.