Хүүхэддээ тавих хяналтаа сайжруулах хэрэгтэйг зөвлөлөө

Бага насны хүүхэд золгүй байдлаар амь насаа алдах нь ихэсч байгааг эмч нар анхаарууллаа. Тухайлбал 7 хоногийн дотор хоёр ч хүүхэд гэр хорооллын жорлонд унасан харамсалтай явдал гарсан байна. Энэ тухай Эх хүүхдийн эрүүл мэндийн үндэсний төвийн Чанарын менежер эмч н.Надмидаас тодруулснаа та бүхэндээ хүргэж байна.

Тус төвд “тогонд цохиулсан, сандлаас унаж цус харвасан, ил задгай эм ихээр хэрэглэж хордсон зэрэг эцэг эхийн хараа хяналт суларснаас болж бэртсэн хүүхдүүд ирэх нь нэмэгдэж байгаа юм байна.

Тиймээс эцэг эхчүүд бага насны хүүхэддээ тавих хараа хяналтаа сайжруулах хэрэгтэйг мэргэжлийнхэн зөвлөж байна.