Л.Алтанцэцэг эхний тойрогтоо ялалт байгууллаа

ОХУ-ын Улаан-Үд хотноо өчигдөр эхэлсэн эмэгтэйчүүдийн сонирхогчдын боксын 11 дэх удаагийн ДАШТ-д 51 кг-ийн жинд өрсөлдсөн Л.Алтанцэцэг эхний тойрогт Италийн боксчин Камилла Фаддатай тулалдан, 3:2 (29:28, 27:30,27:30,29:28,29:28) оноогоор яллаа.

Ингэснээр шөвгийн 16-д шалгарч, дараагийн тойрогт Вьетнамын тамирчин Нгуен Ти Тамтай энэ сарын 8-нд тулалдахаар боллоо. Энэ жинд 29 “ширэн бээлийтэн” өрсөлдөж байна.

Энэ жилийн тэмцээнд 57 орны 224 тамирчин, 10 жинд медалийн төлөө өрсөлдөж буй.

Сонирхуулахад, “Токио-2020” олимпод эмэгтэй боксчид 51, 57, 60, 69, 75 кг-ийн жинд өрсөлдөнө.