М.Бундмаа алтан медалийн төлөө барилдана

БНСУ-ын Чэжү хотноо Олон улсын жүдо бөхийн холбооны зохион байгуулж буй Гран при тэмцээн үргэлжлэн явагдаж байна.

Тэмцээний эхний өдөр манай улсаас 60 кг-д энэ жилийн ДАШТ-ий мөнгөн медальт ОУХМ Д.Амартүвшин, спортын мастер Н.Сэр-Од, 66 кг-д ОУХМ Ч.Болдбаатар, Д.Алтансүх, 73 кг-д хөдөлмөрийн баатар Х.Цагаанбаатар, эмэгтэйчүүдийн 48 кг-д спортын мастер М.Долгоржав, О.Анужин, 52 кг-д гавьяат тамирчин М.Бундмаа, Ч.Аззаяа, 57 кг-д Б.Нарантуяа, А.Саранзул, 63 кг-д Б.Мөнгөнчимэг нар хүч үзлээ.

Эмэгтэйчүүдийн 52 кг-д Монгол Улсын гавьяат тамирчин М.Бундмаа эзэн орны Жун Юун Жунтэй алтан медалийн төлөө барилдахаар боллоо.

Харин эрэгтэйчүүдийн 60 кг-д Н.Сэр-Од, 66 кг-д Д.Алтансүх, эмэгтэйчүүдийн 63 кг-д ОУХМ Б.Мөнгөнчимэг нар хүрэл медалийн төлөө барилдана.Нийт 100 мянган ам.долларын шагналын сантай Чэжүгийн татамид 30 орны 186 жүдоч хүч үзэж байгаа бөгөөд манай улсаас 19 цагаан өмсгөлтөн зодоглож байна.