М.Даваажаргал оргил амжилтыг өнөөдөр үзүүллээ

Японы мэргэжлийн сүмогийн тавдугаар сарын тэмцээн буюу Нацү башё өчигдөр Токио хотын “Ryogoku Kokugikan” ордонд эхэлсэн.

Тэмцээний эхний өдөр ёкозүна Хакүхо М.Даваажаргал комүсүби Окиноүмиг давснаар озэки Кайогийн дээд зиндаанд байгуулаад байсан 879 давааг давтсан бол өнөөдөр Такарафүжиг давснаар дээд зиндааны 880 дахь давааг авлаа. Ийнхүү тэрбээр дээд зиндаанд хамгийн олон даваатай бөхөөр тодроод байна. Үлдсэн 13 давааг нэг ч унаагүй өнгөрөөж, түрүүлбэл түүний амжилтыг гүйцэхэд бэрх болох юм.