Майдар эргэх ёслол боллоо

Хаврын тэргүүн сарын шинийн 16-ны билэгт сайн өдөр буюу гуравдугаар сарын 13-нд Увс аймгийн Дэчинравжаалин хийдээс Майдар эргэх ёслолыг зохион байгуулж, сүсэгтэн олноороо даган баяслаа.

Майдар бурхан нь энэрэл нийгүүсэл, эв нэгдэл, сэргэн мандалт, амар амгалан, хөгжил дэвшлийн билэг тэмдэг ажээ. Майдар эргэх ёслол гэдэг нь Майдар бурхан залран ирж эх болсон зургаан зүйл хамаг амьтны тусын тулд тэдний амар амгалан оршихыг билгэдэн ач ивээлээ хайрлаж буйг харуулсан шашны зан үйл юм.