Малчдын 2-5 насны хүүхдүүдэд зориулсан зуны гэр цэцэрлэг ажиллаж байна

НҮБ-ын Хүүхдийн Сангийн дэмжлэгээр энэ жил Төв аймгийн Алтанбулаг сумын алслагдсан Замт багийн малчдын 2-5 насны хүүхдүүдэд зориулсан гэр цэцэрлэг эцэг, эх, асран хамгаалагчдын талархлыг хүлээж байна.

Нүүдлийн цэцэрлэгт хүүхдүүдээ өгөхийн тулд эцэг эх, асран хамгаалагч нар хүүхдүүдээ багадаа 10 км, ихдээ 32 км-ийн цаанаас өдөр бүр машин, мотоциклоор зөөдөг.

Энд нэг айлын цэцэрлэг, сургуулийн насны хүүхдүүд хамтдаа сурах, найз нөхөдтэй болж, эрүүл аюулгүй орчинд шинэ зүйл сурч өнгөрүүлж байна гэж НҮБ-ын Хүүхдийн Сангаас мэдээллээ.