Манай жүдочид алтан медалиар тэмцээнээ эхлүүллээ

Өчигдөр Узбекстаны нийслэл Ташкент хотноо эхэлсэн Олон улсын жүдо бөхийн аварга шалгаруулах тэмцээний эхний аваргууд тодорлоо. Эрэгтэйчүүдийн 60 кг-ын жинд барилдсан манай тамирчин ОУХМ Д.Амартүвшин алтан медалийн эзэн болсон юм. Тэрбээр өнгөрсөн долоо хоногт Казахстаны Астанад болсон Гранпри тэмцээнээс мөнгөн медаль хүртсэн. Харин 66 кг-ын жинд барилдсан ОУХМ Д.Алтансүх Узбекстаны бөх Ришов Собировтой алтан медалийн төлөө барилдаж, ялагдсанаар мөнгөн медаль хүртлээ.

Эмэгтэйчүүдийн 52-кг-ын жинд барилдсан ОУХМ А.Цолмон мөнгөн медаль хүртэж, эрэгтэйчүүдийн 60 кг-д ОУХМ Г.Хэрлэн эмэгтэйчүүдийн 48 кг-д барилдсан ОУХМ Г.Отгонцэцэг нар хүрэл медалийн болзол хангалаа. Ийнхүү Ташкентын Гранпри тэмцээний эхний өдөр манай жүдочид нэг алт, нэг мөнгө, хоёр хүрэл медаль хүртлээ.