Манай хоккейчид эзэн орныг барсангүй
Манай хоккейчид өчигдөр хоёр дахь тоглолтоо тэмцээнийг зохион байгуулагч орны багтай хийж, 5:1 онооны харьцаагаар хожигдлоо.
Мэдээллийн алба
Арабын Нэгдсэн Эмират улсын Абу-Даби хотноо шайбтай хоккейн “Asian challenge cup-2016”-ын өрсөлдөөн болж байна. Тус тэмцээнд Сингапур, Тайланд, Тайвань, АНЭУ, Монгол Улсын шигшээ баг багтсан.
Манай хоккейчид өчигдөр хоёр дахь тоглолтоо тэмцээнийг зохион байгуулагч орны багтай хийж, 5:1 онооны харьцаагаар хожигдлоо.
Одоогоор АНЭУ-ын баг гурван хожил авснаар тэргүүлэгчийн байраа хадгалж үлдсэн бол Тайвань хоёр, Монгол нэг хожилтой удаалж байна. Харин Тайланд, Сингапурын баг хоёр тоглолт хийсэн ч хожлын оноог авч чадаагүй.
Өнөө шөнө Тайланд-Сингапур, Монгол-Тайванийн шийдвэрлэх гурав дахь тоглолт болно.
Манай хоккейчид эхний тоглолтоо Сингапуртай хийж, 11:0 онооны харьцаагаар хожсон. Улмаар өчигдөр тэмцээнийг зохион байгуулагч орны багтай өрсөлдөж, 5:1-ээр хожигдлоо. Өнөө шөнө болох тоглолтод Тайванийн багийг хожиж чадвал хүснэгтийн хоёрдугаар байрт бичигдэх боломжтой.
