Манай хөлбөмбөгчид Английн багтай хамтарсан бэлтгэл хийж байна

Манай хөлбөмбөгийн “Эрчим”, “Хоромхон” клубын дасгалжуулагч, тамирчид Английн хөлбөмбөгийн мэргэжлийн багийн тамирчидтай хамтарсан бэлтгэл хийж байна.

Тодруулбал, дасгалжуулагч З.Баттулга, хөлбөмбөгчин С.Гал-Эрдэнэ, Г.Ганбаяр нар энэ мөчид Лондон хотын мэргэжлийн хөлбөмбөгийн клуб болох “Barnet FC” багийнхны туршлага, ур чадвараас хуваалцаж байна.

Мөн багийн дасгалжуулагчдын дунд тамирчин солилцох бодол ч байгаа юм. Гол нь хамтарсан бэлтгэлийн явцад манай тамирчид сайн тоглолт үзүүлж, мэргэжилтнүүдийн анхаарлыг татах нь чухал аж.

Г.Ганбаяр болон С.Гал-Эрдэнэ нарын хувьд мэргэжлийн багт шалгуулж, тэнцвэл гэрээгээр Лондоны багуудад тоглох боломжтой. Тамирчдын менежереер МХБХ-ны маркетингийн менежер Б.Энхжин ажиллаж байна.