“Mazaalai” баг “Beijing-Haidian 2019” шалгаруулалтын хагас шигшээд өрсөлдөнө
“D13 Esports” болон “August” багийн хувьд дараагийн шалгаруулалтад оролцох боломж нээлттэй аж
Мэдээллийн алба
Цахим спортын CSGO тоглоомын төрлөөр зохион байгуулагдаж буй “Beijing-Haidian 2019” 250 мянган ам.долларын шагналын сантай тэмцээн ирэх арваннэгдүгээр 9-10-нд БНХАУ-ын Бээжин хотод болно. Тус тэмцээнд нийт найман баг оролцох бөгөөд урилгаар “Astralis”, “Team Liquid”, “Team Vitality” зэрэг таван баг орно.
Түүнчлэн уг тэмцээний Азийн нээлттэй шалгаруулалт хоёр удаа явагдах бөгөөд хаалттай шалгаруулалтад өрсөлдсөн найман багаас аваргалсан нь үндсэн тэмцээнд оролцох эрх авна.
Сонирхуулахад, “Beijing-Haidian 2019” тэмцээний эхний шалгаруулалт явагдаж, Монголоос “D13 Esports”, “August”, “Mazaalai” баг шөвгийн наймд үлдсэн. Тэгвэл эл шалгаруулалтаас “D13 Esports”, “August” хасагдаж, “Mazaalai” хагас шигшээд шалгарсан байна.
Харин “D13 Esports” болон “August” багийн хувьд дараагийн шалгаруулалтад оролцох боломж нээлттэй аж.
