Мэндчилгээ

Хүн, малын зоо тэнийсэн дэлгэр зуны өдрүүдэд МҮОНРТ-ийн нийт хамт олон, нөхөд та бүхний минь уран бүтээл арвин, урам зориг өндөр үү?
2013 онд Монгол үндэстний тулгар төр байгуулагдсаны 2222, Их Монгол улс байгуулагдсаны 807, Тусгаар тогтнолын 102, Ардын хувьсгалын 92 жилийн түүхт ой тохиож байгаа билээ. Радио, телевизийн уран бүтээлчид бид завгүй ажиллаж, наадмынхаа зүлэг ногоон дэвжээнээс орон даяар нэвтрүүлгээ шууд хүргэдэг сайхан уламжлал тогтсон. Ирж буй ойдоо энэ жишгээрээ ажиллаж, элгэн түмнийхээ баяр дээр баяр нэмж, үзэгч, сонсогч түмнээсээ хүртсэн эрхэм нэрээ өндөрт өргөн сайхан наадаарай хэмээн ерөөе.

ҮНДЭСНИЙ ЗӨВЛӨЛИЙН ДАРГА Л.ПҮРЭВДОРЖ