Мэргэн буудагчид АНУ-д цэцээ сорьж байна

Буудлага спортын Дэлхийн цомын тэмцээн АНУ-ын Форт Бенин хотод энэ сарын 28-наас ирэх сарын 2-ны хооронд болж байгаа бөгөөд тус тэмцээнд манай улсаас ОУХМ Ц.Мөнхзул, Э.Даваахүү тэргүүтэй найман тамирчин цэц мэргээ сорьж байна.

Монгол Улсын гавьяат дасгалжуулагч Л.Ундралбат ахлагчтай манай баг тамирчид энэ сарын 28-д хийн урт бууны \ХБ-6\ дасгалд ОУХМ Н.Баяраа 66 буудагчаас 621.7 оноогоор 20 байр эзэлжээ.

Мөн хийн гар бууны ХГ-4 дасгалд ОУХМ Ц.Мөнхзул 371 оноогоор 47 буудагчаас 33 байрт орсон байна. Энэ жилийн дэлхийн цомын эхний тэмцээнд 53 орны 430 буудагч олимпийн 10 дасгалд өрсөлдөж байна.