Модерн балетаас гайхамшгийг мэдэрнэ

УДБЭТ-ын уран бүтээлчид Португалийн балетмейстер Хьюго Виератай хамтран “Диваажин энд байна” неоклассик, модерн балетыг энэ сарын 12-нд тавина.

Хэдэн зуун жилийн түүхтэй бүжгэн жүжгийн өгүүлэмж нь маш тодорхой байдаг бол модерн балет нь XX зуунд үүссэн төдийгүй үзэгчид тухайн бүтээлийг олон талаас нь харж, өөрийнхөөрөө мэдэрч, таашаах боломжийг олгодгоороо онцлогтой юм.

Тус балетын гоцлол бүжигчинээр ХБНГУ-д ажиллаж амьдарч байгаа балетчин Д.Одсүрэн, балетын гоцлооч СТА Г.Батчимэг, Б.Саруул, Э.Эрдэнэжаргал нар бүжинэ.