Монгол туургатны хөөмийн наадам болно

Монгол Улсын Ерөнхийлөгчийн ивээл дор “Салхиар дуулагч” Монгол туургатны хөөмийн анхдугаар уралдаан зохион байгуулагдана.

Ирэх сарын 19-22-нд Улаанбаатарт хотноо болох тус уралдаанд Буриад, Халимаг, Тува, ӨМӨЗО зэрэг арваад орноос тус бүр хоёр гоцлол хөөмийч, нэг хамтлаг оролцох аж.

Уралдааны гран при шагналын эзэн 5000 ам.доллар гардана. Харин гоцлол болон хамтлагийн төрлийн нэгдүгээр байрын эздийг тус бүр 2000, удаах байруудыг 1000, 500 ам.доллараар шагнах юм байна.