Монгол туургатны тулаанчид Улаанбаатарт цуглалаа

Холимог тулааны “Чингис цом- MGL1” тэмцээн энэ сарын 6-нд 18:30 цагт Бөхийн өргөөнд болох талаар бид өмнө нь мэдээлсэн. Тэгвэл Монгол туургатны “MGL-1 fighting championship 13 дугаар тэмцээнд тулалдах Монгол туургатны тамирчид Улаанбаатар хотноо ирж, бэлтгэлээ базааж байна.

Уг тэмцээнийг Монголын Тулааны шилдэг тамирчдын холбоо үүсгэн байгуулагдсаны 10 жилийн ойг тохиолдуулан зохион байгуулж байгаа бөгөөд Монгол, Өвөр Монгол, Тува, Халимаг, Буриадын шилдэг тулаанч хүч сорьж, дөрвөн жинд аваргаа тодруулна.