Монгол Улсаас олимпын дэвжээнд өрсөлдөх жүдогийн баг бүрэлдэхүүнийг зарлалаа

Монголын Үндэсний шигшээ баг, Жүдо бөхийн холбоо "Токио - 2020" зуны олимпын наадамд эрх аван оролцох баг бүрэлдэхүүнийг албан ёсоор зарлалаа.

Тодруулбал, эмэгтэйчүүдийн -48 кг жинд гавьяат тамирчин М.Уранцэцэг

-52 кг жинд олон улсын хэмжээний мастер Л.Сосорбарам

-57 кг жинд Хөдөлмөрийн баатар, гавьяат тамирчин Д.Сумъяа

-63 кг жинд олон улсын хэмжээний мастер Б.Ганхайч

-78 кг жинд олон улсын хэмжээний мастер О.Мөнхцэцэг нар эх орноо төлөөлөн олимпд зодоглоно.

Харин эрэгтэйчүүдээс -60 кг жинд гавьяат тамирчин Д.Амартүвшин

-66 кг жинд олон улсын хэмжээний мастер Ё.Басхүү

-73 кг жинд олон улсын хэмжээний мастер Ц.Цогтбаатар

-81 кг жинд Саиед Моллай

-90 кг жинд олон улсын хэмжээний мастер Г.Алтанбагана

-100 кг жинд гавьяат тамирчин Л.Отгонбаатар

+100 кг жинд гавьяат тамирчин Ө.Дүүрэнбаяр нар зодоглоно. Үүнээс гадна шүүгч Т.Энхцэцэг олимпыг дэнслэх бөгөөд Монголын баг тамирчид холимог багийн барилдаанд өрсөлдөнө.