Монгол Улсын хөдөлмөрийн баатар Д.Сумьяа энэ удаагийн ДАШТ-ийг гэрээсээ үзнэ

Жүдо бөхийн ДАШТ-д оролцох Монгол Улсын шигшээ багийн бүрэлдэхүүнийг МЖБХ-ноос зарлав.

Тус тэмцээн ирэх наймдугаар сарын 24-31-нд Японы нийслэл Токио хотод болно. Харин үүнд хамгийн их итгэл хүлээлгэж байсан тамирчдын нэг Монгол Улсын хөдөлмөрийн баатар, гавьяат тамирчин Д.Сумьяа өнжихөөр болжээ.

Ийнхүү багийн бүрэлдэхүүнийг танилцуулья:

Эрэгтэй

• 60 кг: ДАШТ-ий мөнгөн медальт, гавьяат тамирчин Д.Амартүвшин

• 66 кг: ОУХМ Ё.Басхүү

• 73 кг: ДАШТ-ий хүрэл медальт, гавьяат тамирчин Г.Одбаяр, Азийн аварга Ц.Цогтбаатар

• 81 кг: Азийн аварга О.Ууганбаатар

• 90 кг: ОУХМ Г.Алтанбагана

• -100 кг: ДАШТ-ий хүрэл медальт, Азийн аварга Л.Отгонбаатар

• +100 кг: Хөдөлмөрийн баатар, олимпийн алт, мөнгө, ДАШТ-ий хүрэл медальт Н.Түвшинбаяр, ДАШТ-ий хүрэл медальт Ө.Дүүрэнбаяр

Эмэгтэй

• 48 кг: ДАШТ-ий алт, мөнгөн медальт, гавьяат тамирчин М.Уранцэцэг, ОУХМ Г.Наранцэцэг

• 52 кг: залуучуудын олимпийн аварга Л.Сосорбарам, ОУХМ Б.Хорлоодой

• 57 кг: ОУХМ Л.Энх-Отгон

• 63 кг: ДАШТ-ий хүрэл медальт, гавьяат тамирчин Б.Мөнгөнчимэг, ОУХМ Б.Ганхайч

• 70 кг: ОУХМ Ц.Энхчимэг

• -78 кг: ОУХМ О.Мөнхцэцэг.