Монгол Улсын хөдөлмөрийн баатар Э.Бадар-Ууганы төрсөн өдөр өнөөдөр тохиож байна

Монгол Улсын хөдөлмөрийн баатар, гавьяат тамирчин, “Бээжин-2008” олимпын наадмын алтан медальт Э.Бадар-Ууганы төрсөн өдөр өнөөдөр тохиож байна.

МҮОХ-ны ерөнхий нарийн бичгийн даргаар ажиллаж буй тэрбээр 1985 оны зургаадугаар сарын 3-нд Улаанбаатар хотод төрсөн.

Нийслэлийн 97 дугаар дунд сургуулийг төгссөн бол 1998 оноос боксын спортоор хичээллэсэн. Боксын 54 кг-ын жинд тоглодог байв.

Амжилтын товчоон

2008 онд Олимпод анх удаагаа оролцож Монголын түүхэнд анх удаа боксын төрлөөр Олимпын алтан медаль авлаа.

2007 онд АНУ-ын Чикаго хотод болсон Дэлхийн аварга шалгаруулах тэмцээнээс мөнгөн медаль авсан.

2007 оны Ази тивийн аварга

2007 оны улсын аварга

2006 оны Оюутны дэлхийн аварга

Доха-2006 Азийн наадмын хүрэл медальт

Герман улсад болдог Химийн цом тэмцээний аварга

Туркийн Ахмад Комертийн нэрэмжит тэмцээний аварга

Чехийн Усти-над-Лабем хотод болдог олон улсын тэмцээний мөнгөн медальт.

2007, 2008 оны Монголын шилдэг тамирчин

2008 оны дэлхийн шилдэг эрэгтэй боксчноор шалгарсан.