Монголчууд хэвтээ шахалтын ДАШТ-ээс хос мөнгөн медаль хүртлээ

Дани улсад пауэрлифтингийн хэвтээ шахалтын ДАШТ таван өдөр болж өчигдөр өндөрлөлөө. Тэмцээний сүүлийн өдөр эрэгтэйчүүдийн опен ангиллын 105 кг-ын жинд манай улсын тамирчин Р.Түмэнжаргал 320 кг-ыг шахсанаар мөнгөн медаль хүртлээ. Түүнээс гурван хоногийн өмнө Л.Мөнхбаяр мастер ангилалд мөн мөнгөн медаль хүртээд байсан. Энэ нь Монголын баг тамирчид хэвтээ шахалтын ДАШТ-ээс хос мөнгөн медаль хүртсэн анхны тохиолдол боллоо.