Монголд солир унасныг өрнөдийнхөн тогтоогоод байна

Энэ тухай нийтлэлийг Азийн шинжлэх ухааны сэтгүүлд Австрийн их сургуулийн эрдэмтэн Мартин Шмыдер, Германы Штутгартын их сургуулийн Хартмут Сейфрид нарын геологчид бичсэн байна.

Тэд хиймэл дагуулын зургийг маш сайн судалсан бөгөөд эрлээ говийн “Үнэгт уул”-д төвлөрүүлсэн байна.
Учир нь тэр уулын чулуунууд нь бөөрөнхий хэлбэртэй мөлгөр ба дундуураа хагарсан байдалтай байж. Ийм үзэгдэл нь байгаль дээр зөвхөн усны урсгалаас болж үүсдэг. Харин яагаад ингэж цавчуулсан юм шиг хагарсан болохыг тогтоох гэж геологчид бүх боломжийг судалснаар солир энэ газар унаж, чулуунуудыг хагалсан болохыг тогтоожээ. Харин солир яг хэдийд унасан болохыг тогтоож чадаагүй байна.