Монголын шигшээ баг шөвгийн дөрөвт үлдэх боломжтой

Зүүн Азийн наадамд оролцож буй Монголын сагсан бөмбөгийн шигшээ баг хэсгийнхээ хоёр дахь тоглолтыг Өмнөд Солонгосын багтай хийлээ. Дөрөвдүгээр үе өндөрлөхөд 68:76 гэсэн онооны харьцаатайгаар Солонгосын багт хожигдсон бөгөөд Т.Санчир 23 оноо, Б.Одбаяр 19 оноо авч багаа тэргүүлжээ.

Тэд өнөөдөр 13:00 цагаас Тайваний багтай шийдвэрлэх тоглолтыг хийнэ. Энэ тоглолтод зургаа буюу түүнээс дээш оноогоор хожиход хэсгээсээ гарч, шөвгийн дөрөвт үлдэх боломжтой болно.