“Монголын тамирчдын баяр” өчигдөр боллоо

Чингисийн талбайд өчигдөр “Монголын тамирчдын баяр” боллоо. Хэдхэн хоногийн дараа “Рио-2016” наадам болох гэж буй тул олимпид оролцох тамирчдад сэтгэлзүйн хүч улам их бэлэглэсэн болов уу.

Тус баярт үе үеийн шилдэг тамирчин, спортын зүтгэлтэн, олимпийн наадамд оролцох баг бүрэлдэхүүн, спортын байгууллагын удирдлагууд оролцон, амжилт, ялалтын гэрч болсон медальтай жагсаалд нэгдлээ. Мөн зуны олимпийн наадамд өмсөх Монголын шигшээ багийн хувцасны загварыг танилцуулж, спортын үзүүлэх тоглолт зохион байгуулав.

Манай улсаас энэ зуны олимпид 41 тамирчин оролцоно. Учир нь Допингийн эсрэг зөрчил гаргасан хэмээн үзэж, олимпид оролцох эрхийг нь түдгэлзүүлээд байсан чөлөөт бөхийн эмэгтэйчүүдийн 53 кг-ын жингийн тамирчин Э.Сумъяагийн шинжилгээний хариуг Дэлхийн допингийн эсрэг агентлаг /WADA/, Дэлхийн нэгдсэн бөхийн холбоо /UWW/ шийдвэрээ эргэн харж, олимпийн эрхийг сэргээх тухай мэдэгдээд байна.