Муайтай боксчид аваргаа тодрууллаа
Энэ жилийн тэмцээнд түрүүлсэн “Мишээл” клуб 14 дэх удаагаа аваргын цомыг өргөж байгаа аж. Тэмцээнээс шалгарсан шилдэг тамирчдаар үндэсний шигшээ багийг бүрдүүлэн, олон улсын тэмцээнд оролцуулахаар болсныг Монголын муайтайн спортын холбооноос мэдээллэв.
Мэдээллийн алба
Муайтай боксын УАШТ Үндэсний цэцэрлэгт хүрээлэнгийн талбайд болж өндөрлөлөө. Насанд хүрэгчдийн ангилалд болсон уг тэмцээнд эрэгтэй найм, эмэгтэй таван жинд шилдгүүдээ тодруулсан юм.
2019 оны улсын аварга шалгаруулах тэмцээнд Улаанбаатар хот болон орон нутгийн нийт 20 клубын 120 тамирчин өрсөлдсөнөөс О.Алтанпүрэв дасгалжуулагчтай “Мишээл клуб” түрүүлж, шилжин явах цом хүртэв. Мөн Б.Бат-Амгалан дасгалжуулагчтай “Ширэн бээлий”, Балжинням дасгалжуулагчтай “Мандал файт” клубүүд хоёр, гуравдугаар байрыг эзэллээ.
Энэ жилийн тэмцээнд түрүүлсэн “Мишээл” клуб 14 дэх удаагаа аваргын цомыг өргөж байгаа аж. Тэмцээнээс шалгарсан шилдэг тамирчдаар үндэсний шигшээ багийг бүрдүүлэн, олон улсын тэмцээнд оролцуулахаар болсныг Монголын муайтайн спортын холбооноос мэдээллэв.
Сонирхуулахад, Мутайн спортын насанд хүрэгчдийн ДАШТ долоодугаар сард Тайландын нийслэл Бангкок хотод болох бол Зүүн Азийн аварга шалгаруулах тэмцээн наймдугаар сард Хонконгод болох хуваарь гарчээ.
