МУГЖ Н.Төмөрхуяг талархлын тоглолт хийнэ

Монгол Улсын гавьяат жүжигчин Н.Төмөрхуяг ард түмэндээ талархсан сэтгэлийн илэрхийлэл болгон тоглолт хийхээр болжээ.

Монгол бөхийн өргөөнд энэ сарын 19-нд болох энэхүү тоглолт нь түүний шинэхэн гавьяат цолны мялаалга юм.

Тэрбээр уран бүтээлийн тайлан тоглолтоо хийлгүй олон жил болсон бөгөөд энэ удаад залуу дуучин Д.Балдантай хамтрах гэнэ.

Тэд хамтдаа 2012 онд "Хорвоод ганцхан ээждээ" дууг шинэчлэн дуулсан юм.

Одоогоор "Амьдрал хайр дээр тогтдог", "Хорвоод ганцхан ээждээ", "Насны намар", "Зүрхний уяа", "Саа мөнгөн Хэрлэн" зэрэг хуучны дуунуудын хөгжмийг "Анир" студи шинэчлэн найруулж байгаа бол "2В энтертайнмент" дүрсжүүлэх ажлыг хариуцсан байна.